“Mbylli dosjet e zgjedhjeve”, Basha: Arta Marku, ndjekje penale
Basha shkoi përtej denoncimit të bërë nga PD edhe për rastin e kryebashkiakut të Vorës, kur tha se Edi Rama është në dijeni të dënimit për të zgjedhurin socialist.
“Edhe ai ka mohuar precedentin penal në shtetin fqinj, fakti është se ai është një person me precedent penal të hapur me drejtësinë greke. Ky fakt dihet nga Edi Rama, i komunikuar atij nga partnerët ndërkombëtarë dhe ai ka zgjedhur ta kandidojë për Bashkinë e Vorës. Sa të tjerë nga këta kryebashkiakë janë me precedentë penalë?”, pyeti Basha.
Akuzat kryedemokrati i bëri pasi priti ambasadorin e ri gjerman, Peter Zingraf. Ai shmangu një koment nëse ka një tentative për zgjidhjen e krizës nga Berlini zyrtar, po shprehu gatishmrinë e tij dhe të PD-së për t’i dhënë fund asaj sipas parimeve evropiane.
