Me maskë të zezë dhe i pashoqëruar, momenti kur Rama mbërrin në mbledhjen e Këshillit Politik

Me maskën e vendosur në fytyrë, e cila është bërë e detyrueshme në ambiente të mbyllura, për shkak të situatës së koronavirusit, Kryeministri Edi Rama mbërriti pak minuta pas orës 11.00, në mbledhjen e Këshillit Politik.

Bëhet fjalë për mbledhjen e thirrur për të diskutuar lidhur me ndryshimet kushtetuese.

Pritet diskutimi për ndryshimet e propozuara nga opozita parlamentare, të cilat kanë gjetur mbështetjen e Kryeministrit Edi Rama, ku pritet të diskutohet për hapjen e listave zgjedhore dhe përjashtimin e koalicioneve parazgjedhore.

Pjesë e kësaj mbledhje, krahas Kryeministrit, u paraqit edhe bashkëkryetari socialist i reformës zgjedhore, Damian Gjiknuri.

Partia Demokratike përfaqësohet në Këshillin Politik nga Gazment Bardhi, Oerd Bylykbashi dhe Ivi Kaso, ndërsa opozita parlamentare nga Myslim Murrizi dhe Rudina Hajdari

Ndërkohë Lëvizja Socialiste për Integrim, përfaqësohet nga Petrit Vasili.