Më shumë se 25 000 manifestues kundër masave shtrënguese

Më shumë se 25 000 persona manifestuan sot në Athinë dhe në Selanik, dy qytetet kryesore greke, kundër vazhdimit të masave shtrënguese me rastin e një greve të përgjithshme 24-orëshe të drejtuara nga sindikatat private dhe publike.

Sipas shifrave të policisë, rreth 18 000 manifestues janë mbledhur në qendër të Athinsë, ku qarkullimi është ndërprerë. Ata parakaluan deri në sheshin ”Sintagma” pranë parlamentit, skenë e manifestimeve që prej shpërthimit të krizës në vitin 2010.

“Jo papunësisë së pjesshme!”, ”Jo largimeve nga puna!”, ”Po punësimit të qëndrueshëm dhe të përhershëm!”, ”T’i jepet fund varfërisë!”, ”Të rrëzojmë qeverinë!”, lexohej në banderola.