Medvedev dënon legjislacionin amerikan për sanksionet ndaj Rusisë
Kryeministri rus, Dmitry Medvedev, ka dënuar ashpër nënshkrimin e legjislacionit nga presidenti i Shteteve të Bashkuara, Donald Trump që e sanksionon Rusinë.
Ai ka thënë se sanksionet e reja të imponuara nga SHBA janë të njëjta me shpalljen e një “lufte të plotë tregtare” kundër Moskës.
Ligji synon të ndëshkojë Rusinë për ndërhyrjet e pretenduara në zgjedhjet e vitit 2016 në SHBA dhe veprimet e saj në Ukrainë.
“Ne do të vazhdojmë të punojmë qetësisht në sferën ekonomike dhe sociale, do të zgjedhim disa detyra të rëndësishme qeveritare duke u nisur fillimisht nga vetja”, shtuar ai.
Trump e ka kundërshtuar kthimin e sanksioneve kundër Rusisë në ligj, mirëpo ka thënë se e ka nënshkruar legjislacionin pavarësisht “ të metave të konsiderueshme”, për “ hir të unitetit kombëtar”.
