Merkel: Imazhet e emigrantëve të mbytur të papajtueshme me vlerat e BE-së

Imazhet e personave që mbyten përballë brigjeve të Evropës nuk janë të pajtueshme me vlerat e Bashkimit Evropian, deklaroi kancelarja gjermane, Angela Merkel gjatë një takimi të qeverisë, njoftoi zëdhënësja e saj, Christiane Wirtz.

”Shpëtimi jetëve njerëzore duhet të jetë në vend të parë në krizën humanitare që po ndodh në Mesdhe”, shtoi Merkel.

”Efikasiteti i shpëtimit të njerëzve në det është një nga 10 pikat e planit të Komisionit Evropian”, shtoi ajo.

”Përveç të tjerash, të rëndësishme janë lufta kundër trafikantëve të qenieve njerëzore dhe stabilizimi i vendeve prej nga ata vijnë”, tha Merkel