Mes sanksioneve të reja përllogaritet edhe bojkoti i Kupës së Botës Rusi 2018

Një bojkot evropian i Kupës së Botës së Futbollit që do të zhvillohet në Rusi në vitin 2018 u shqyrtua në sanksionet e reja që mendohet të merren ndaj Moskës, si përgjigje ndaj përkeqësimit të konfliktit në Ukrainë, sipas një burimi evropian.

“Kjo ide figuron në një dokument pune të diskutuar me shtetet anëtare. Por si një mundësi e më vonshme jo për tu marrë menjëherë”, shtoi ky burim.

Sipas Financial Times, “dokumenti flet për një veprim të koordinuar brenda G7-s dhe më gjerë për të rekomanduar pezullimin e pjesëmarrjes së Rusisë në evenimente të mëdha kulturore, ekonomike dhe sportive (garat e Formula 1, kompeticionet e futbollit të UEFA-s, Kupa e Botës 2018, etj)”.

Komisioni Evropian do t’i paraqesë sot shteteve propozimet e veta për të përforcuar sanksionet kundrejt Rusisë, e akuzuar se ka dërguar trupa të luftojnë drejtpërdrejtë në krahun e separatistëve prorusë në lindje të Ukrainës