Meta për hartën e re gjyqësore: Kërkesat e avokatëve, të drejta

Presidenti Ilir Meta shprehu sot mbështetjen e plotë për kërkesat avokatëve shqiptarë, të cilat i konsideroi “të drejta”.

Meta nxiti Këshillin e Lartë Gjyqësor dhe aktorët e tjerë bashkëpunues dhe vendimmarrës, të dëgjojnë zërin e avokatëve dhe këshillat e Parlamentit Evropian.

Sipas tij, “Shqipëria ka nevojë jetike për një sistem drejtësie plotësisht të pavarur, funksional dhe eficient”.

“Qytetarët presin një drejtësi sa më afër tyre, dhe jo një riorganizim të përqendruar që e largon drejtësinë prej tyre, duke e bërë jo vetëm më të shtrenjtë dhe të vonuar, por edhe më të pamundur”, theksoi ai.