Meta: Vizioni ynë, një parlament plotësisht transparent

Sekretarët e Përgjithshëm të parlamenteve të vendeve të rajonit janë mbledhur të enjten në Tiranë, në një takim të organizuar nga Kuvendi i Shqipërisë dhe Prezenca e OSBE-së.

Në fjalën përshëndetëse, kryetari i Kuvendit, Ilir Meta, tha se vizioni ynë është ai për një parlament plotësisht transparent, të hapur dhe të vullnetshëm, për të dhënë informacion dhe llogari para publikut.

“Transparenca është domosdoshmëri se i ndihmon qytetarët të informohen dhe të kontrollojnë veprimtarinë dhe punën e institucioneve. OSBE me asistencën e saj ndaj institucioneve ka kontribuar në krijimin dhe promovimin e kulturës së transparencës ndaj publikut. Informimi i publikut siguron që përfaqësuesit e zgjedhur të jenë në kontakt me publikun dhe të përgjigjen para tij”, u shpreh Meta në fjalën e tij.

Zv/ambasadori i OSBE-së në Tiranë, Robert Wilton, ndërsa vuri në dukje se Prezenca do të jetë një partner afatgjatë i parlamentit të Shqipërisë, shprehu një falenderim të veçantë për kryeparlamentarin Meta “për lidershipin e tij shumë të balancuar të parlamentit”.

Zv/ambasadori i OSBE-së garantoi mbështetjen e plotë të Prezencës për Kuvendin, ndërsa e vuri theksin tek forcimi i marrëdhënies mes këtij institucioni nga njëra anë dhe shoqërisë civile e publikut nga ana tjetër.
“Besoj se biem dakord që këtë marrëdhënie duhet të forcojmë dhe ta mbrojmë dhe për këtë OSBE në Tiranë ka ndërmarrë një sërë aktivitetesh për të mbështeu parlamentin në fuqizimin e marrëdhënies me zgjedhësit, përmes rritjes së pjesëmarrjes në vendimmarrje.