MF: 11 851 biznese të reja u regjistruan në gjysmën e parë të vitit

Ministria e Fiancave bëri të ditur se 11 851 biznese të reja janë regjistruar gjatë gjysmës së parë të këtij viti.

Sipas statistikave të MF-së, për periudhën janar-qershor u regjistruan rreth 3 mijë biznese më shumë krahasuar me të njëjtën periudhë të një vitit më parë. Gjatë gjysmës së parë të vitit 2015 u regjistruan gjithsej 8 868.

Po ashtu, MF bën të ditur se biznese të reja të regjistruara neto gjatë periudhës janar-qershor janë  7 636 ose 1 036 më shumë se të njëjtën periudhë të një viti më parë. Në gjysmën e parë të vitit të shkuar u regjistruan 6 600 biznese.

Biznese të reja të regjistruara neto janë diferenca midis bizneseve të reja të regjistruara me bizneset e çregjistruara.