Ministrat e jashtëm të Greqisë dhe Sllovakisë e urojnë Hoxhajn për postin e ri

Ministri i Punëve të Jashtme i Kosovës, Enver Hoxhaj ka pranuar telegrame urimi për emërimin në kreun e diplomacisë kosovare nga homologu grek Nikos Kotzias dhe ai sllovak, Miroslav Lajčák.

“Në telegramin e urimit të ministrit grek, kryediplomati Hoxhaj është përgëzuar për përkushtimin dhe angazhimin në politikën e jashtme ngjashëm sikur është uruar edhe nga homologu sllovak Lajčák”, thuhet në njoftimin për media.

Në urimin e këtij të fundit thuhet: “Jam i bindur se me gjithë përvojën, njohuritë dhe historikun tuaj, do të kontribuoni në avancimin e mëtejshëm të Kosovës, kurdo që një gjë e tillë të jetë e nevojshme”. Ndërsa shtohet se përmbushja e obligimeve që dalin nga Marrëveshja e Stabilizim Asocimit, apo kthimi në binar i dialogut me Beogradin, janë të një rëndësie të madhe për arritjen e rezultateve specifike në rrugën drejt Bashkimit Evropian.