Ministri Tahiri takohet sot me homologun e tij nga Kosova, Hyseni
Marrëdhëniet e mira mes Shqipërisë dhe Kosovës kanë sjellë në Tiranë, Ministrin e Punëve të Brendshme të Kosovës, Skënder Hyseni.
Burime pranë Ministrisë së Brendshme të Shqipërisë, thanë se Hyseni vjen me ftesë të Ministrit Punëve të Brendshme Shqiptare, Saimir Tahiri, me të cilin do të takohet në orën 18:30, në ambientet e MPB-së.
Pas takimit do të ketë dhe një konferencë për shtyp të dy Ministrave, që do të zhvillohet rreth orës 19:15.
Mësohet gjithashtu se kryefjalë e bisedimeve mes dy Ministrave do të jetë forcimi i bashkëpunimit në luftën e përbashkët ndaj krimit të organizuar, trafiqeve të ndryshme..etj, duke parë dhe krijimin e qeverisë së re në Kosovë. Ky është takimi i parë mes dy ministrave, që pas krijimit të qeverisë së re në Kosovë.
