Minovski: Bankat stabile, mund të fokusohen në kreditim të kompanive

Bankat ta intensifikojnë procesin e investimit në sektorin korporativ sepse janë mjaft stabile dhe likuiduese, porositi ministri i Financave, Kiril Minovski, transmeton Telegrafi Maqedoni.

‘Kemi mjaftueshëm stabilitet dhe likuiditet në sektorin bankar, ndërsa investuesit kontribuojnë për rritjen ekonomike’, theksoi Minovski pas seancës së sotme të rregullt të Komitetit për stabilitet financiar në Bankën Popullore të Republikës së Maqedonisë.

Sipas tij, Ministria e Financave përmes ribalancit të Buxhetit ka arritur të sigurojë mjaft mjete për investime kapitale, ndërsa Euro-obligacioni është lëshuar me sukses që do të thotë se bankat mund të fokusohen në kreditim të kompanive, të cilat kontribuojnë pozitivisht për rritjen ekonomike, tha ndër të tjera Minovski.