Mirditë, fqinji përdhunon 13-vjeçaren, familja denoncon në polici

Një ngjarje e shëmtuar ka ndodhur sot në fshatin Prosek të Mirditës. Familjarët e një vajze 13-vjeçare kanë denoncuar një 43-vjeçar se ka përdhunuar vajzën e tyre.

Mësohet se autori i dyshuar është fqinj me familjen që ka bërë kallëzimin dhe se vajza e tij është shoqe në të njëjtën klasë me të abuzuarën.

Policia e ka shpallur menjëherë në kërkim personin e dyshuar.

Ndërkohë mësohet se ekspertiza mjeko ligjore ka vërtetuar se me vajzën është kryer marrëdhënie seksuale me dhunë.

Vajza ndodhet nën asistencën e një psikologeje, pasi ngjarja e rëndë dhe e shëmtuar i ka shkaktuar tronditje të madhe psikologjike.