Mit’hat Tola në krye të Policisë Rrugore

Mit’hat Tola është emëruar në postin e Drejtorit të Përgjithshëm të Policisë Rrugore, duke zevendesuar Ervin Hoxhën, i emëruar në atë detyrë shtatorin e vitit 2013.

Lajmi konfirmohet nga burime zyrtare pranë Policisë së Shtetit, nga ku mësohet se ndryshimi i Ervin Hoxhës është bërë me urdhër të Drejtorit të Përgjithshëm të Policisë së Shtetit, Artan Didi.

Hoxha ishte emëruar në krye të Policisë Rrugore me 19 shtator 2013, ndërsa më parë kishte mbajtur postin e shefit të sektorit në Drejtorinë e Marrëdhënieve me Jashtë. Ndërsa Mit’hat Tola deri tani mbante postin e Drejtorit të Policisë së Qarkullimit të Tiranës.