Mogherini: Interes strategjik integrimi i Kosovës në BE

Ministri i Punëve të Jashtme i Kosovës, Enver Hoxhaj, ka pritur dje në takim ministren e Jashtme të Italisë, Federica Mogherini, vendi i së cilës udhëheq me presidencën e BE-së.

Ministri Hoxhaj dhe ministrja Mogherini kanë vlerësuar progresin e Kosovës në liberalizimin e vizave si dhe kanë shprehur angazhimin e dyanshëm për të bërë të mundur nënshkrimin e MSA-së gjatë gjashtë mujorit të presidencës italiane të BE-së. Ministri Hoxhaj dhe ministrja Mogherini pas takimit zyrtar, kanë nënshkruar edhe një marrëveshje për bashkëpunim në fushën e Transporteve ndërmjet dy shteteve.

Ministrja e Jashtme e Italisë, Federica Mogherini, tha se “është interes strategjik jo vetëm i Italisë, por edhe i Bashkimit Evropian integrimi i Kosovës dhe fqinjëve të saj të Ballkanit Perëndimor në Evropë”. Sipas saj, kjo është e rëndësishme për stabilitetin e Evropës dhe është e rëndësishme për zhvillimin e prosperitetin.

Ministrja e Jashtme italiane ka uruar që të mund ta nënshkruhet MSA-ja gjatë gjashtëmujorit të presidencës italiane të BE-së, duke theksuar se kjo gjë nuk varet nga presidenca italiane, por mund të punohet së bashku që ta arrihet ky synim