Mogherini, shefja e politikës së jashtme të BE-së
Arrihet marrëveshja ndërmjet vendeve anëtare të Bashkimit Europian. Në krye të politikës të jashtme të Unionit është emëruar shefja e diplomacisë italiane, Federica Mogherini, krahu i djathtë i Matteo Renzi-t dhe paralmentare e qendrës së majtë, Partisë Demokratike.
Anonçimin e marrëveshjes e ka bërë të ditur Van Rompuy, Prsidenti i Këshillit të BE-së. Mogherini zëvendëson baronshën Cathrine Ashton, e cila u zgjodh në mandatin e dytë të Komisonit “Barroso”.
Menjëhrë pas këtij publikimi ka mbërritur urimi nga ana e kryeministrit italian Renzi, i cili theksoi:. “Punë të mbarë Federica Mogherinit”. Ndërkaq presidenti italian, Giorgio Napolitano, theksoi se “Italia ka dhënë një kontribut pozitiv në zgjidhjen e problemit për drejtuesit e rinj të Bashkimit Europian”.
Krerët e vendeve anëtare të BE-së kanë emëruar gjithshtu kryeministrin aktual të Polonisë, Donald Tusk në postin e Presidentit të përhershëm të Këshillit Europian. Tusk i përket Partisë Popullore Europiane, pra qendrës së djathtë.
Kryeministri italian, Metteo Renzi, i cili ka propozuar emrin e Mogherinit në postin e kreut të diplomacisë së BE-së, theksoi se mbi emrin e saj ka pasur një konsensus unanim.
Renzi ka mbërritur në pallatin presidencial francez Elize për të marrë pjesë në takimin e trembëdhjetë drejtuesit socialdemokratë të Europës, takimin i cili i parapriu Këshillit Europian të nivelit të lartë që u mbajt dje pasdite.
