Moscovici: Portugalia ka bërë progrese, por duhet të vazhdojë reformat
Portugalia ka bërë përpjekje të jashtëzakonshme në kuadër të reformave strukturore që kanë dhënë frytet e tyre, por duhen akoma më shumë përpjekje, theksoi komisioneri evropian për çështjet ekonomike dhe financiare, Pierre Moscovici.
“Rritja ekonomike është e brishtë, kryesisht përsa i përket punësimit dhe nuk ka vend për vetëkënaqësi”, theksoi në një intervistë për gazetën ”Diario Economico” publikuar sot në kuadër të një vizite në Lisbonë.
“Janë ndërmarrë reforma, por duhet bërë akoma më shumë”, theksoi Moscovici duke përmendur veçanërisht një borxh publik të gjykuar të qendrueshëm, por shumë i lartë. .
Borxhi publik i Portugalisë regjistroi rritje në vitin 2014 duke arritur në 130,2 për qind të PBB-ë kundër 129,7 për qind një vit më parë. Papunësia është regjistruar gjithashtu në rritje në muajin shkurt duke arritur në 14,1 për qind kundër 13,8 për qind në muajin janar, sipas shifrave të publikuara sot.
