Moska dekreton një ndalim të plotë të produkteve ushqimore të BE-së dhe SHBA-së

Rusia dekretoi një ndalim të plotë të shumicës së produkteve ushqimore me prejardhje kryesisht nga vendet evropiane dhe SHBA-ja si përgjigje ndaj sanksioneve perëndimore kundrejt Moskës, njoftoi sot kryeministri rus Dmitri Medvedev.

Ky ndalim, që ka një kohëzgjatje një vjeçare, prek krysisht mishin e lopës, derrit, shpendët, peshqit, djathin, qumështin, si dhe perimet dhe frutat me prejardhje nga SHBA-ja, BE-ja, Australia, Kanadaja dhe Norvegjia.

“Ky ndalim mund të hiqet nëse partënerët tanë japin prova për një përafrim konstruktiv”, deklaroi Medvedev në një intervistë në televizion.

“Të gjitha këto masa janë thjesht një përgjigje e pastër (ndaj sanksioneve Perëndimore, shën. i përkth.). Ne nuk duam që situata të marrë një zhvillim të tillë. Nuk ka asgjë positive në mbajtjen e sanksioneve”, vazhdoi ai