Mustafa- Daul: PPE mbështet Kosovën në liberalizimin e vizave dhe integrimin në BE

Kryeministri Isa Mustafa ka takuar Joseph Daul, kryetar i Partive Popullore Evropiane (PPE), ku aderon edhe LDK dhe ka marrë mbështetje nga PPE për integrimin evropian të Kosovës dhe kryesisht në liberalizimin e vizave.

Kryeministri Mustafa në një postim në statusin e tij ne Facebook, shprehet sot,  “Gjatë takimit që pata këtë jave me Joseph Daul, kryetar i Partive Popullore Evropiane (PPE), aty ku është anëtare LDK-ja,  falënderova për përkrahjen e vazhdueshme të tij dhe të PPE -së për integrimet evropiane të Kosovës dhe veçmas për procesin e liberalizimit të vizave”.

“I thash se me këtë po e fuqizoni edhe më shumë orientimin proevropian dhe përkatësinë evropiane të qytetarëve të Kosovës. Ai, derisa unë flisja, u ngrit nxori një hartë nga sirtari e vuri para nesh dhe më tha, shihe Kosova është mjedis Evrope, por problemi ynë është që ne të kujdesemi bashkërisht për Evropën. E kuptova se dëshironte të shtonte se ka nevojë të ketë edhe sa më shumë Evropë në Kosovë, sikurse edhe Kosovë në Evropë”, shkruan Mustafa.