Ndryshimet në qeveri, Meta: Impulset e reja duhen gjithmonë

“Impulset e reja duhen gjithmonë”, u është përgjigjur kryetari i LSI-së Ilir Meta, interesit të gazetarëve për ndryshime në qeveri. Duke folur pas një takimi me krerët e koalicionit të majtë, kreu i LSI-së tha se nuk e ka marrë ende letrën e KLSH-së, për të cilën tha se do të konsultohet pasi ta marrë.

Referuar procesit të dekriminalizmit, kreu i LSI-së e ka quajtur pozitive shprehjen e Komisionit të Venecias, në mënyrë që të vazhdojë sa më shpejt . Ndërsa lidhur me kërkesën e demokratit Oerd Bylykbashi, Meta tha se ka qënë vetë PD që ka anashkaluar komisionin për dekriminalizimin.

“Jemi sqaruar dje me kryetarin e grupit të PD për pretendimin e Bylykbashit. Ka qënë vetë PD që e ka anashkaluar komisonin përmes propozimit të drejt për drejtë që bëri në Parlament. Është ide e mirëpritur që të marrë rol të rëndësishëm ky komision dhe Bylykbashi dhe Balla të bien dakord. Dhe nuk e kuptoj pse po vonohet cështja e dekriminalimzit”, tha kreu i Kuvendit.

Nga ana e tij, kreu i Grupit Parlamentar të Partisë Socialiste, Gramoz Ruçi e ka vlerësuar pozitive faktin që në lidhje me ligjin për dekriminalizimin do të shprehet edhe Komisioni i Venecias, ndërsa shtoi se mazhoranca është pro miratimit të këtij ligji.