Ndryshimet në qeverinë greke, betohen ministrat e rinj
Ish-ministrat janë transferuar në pozita brenda ministrive, ndërkohë kabineti është freskuar me 15 emra të ri, ndërsa janë themeluar edhe pesë ministri të reja.
Ministrat e rinj të qeverisë greke ditën e shtunë kanë bërë betimin, duke përfunduar në këtë mënyrë procesi i ndryshimit të shumë posteve ministrore në qeverinë “Syriza-Anel”.
Në ceremoninë e cila u mbajt në pallatin presidencial morën pjesë presidenti i vendit, Prokopis Pavlopoulos dhe kryeministri Aleksis Tspiras, ndërsa ceremonialin fetar e ka udhëhequr kryepeshkopi i Athinës, njëherësh kryetar i Kishës Ortodokse greke Ireonimus.
Më herët u njoftua se në përbërjen e re qeveritare vetëm katër ministra do të mbajnë dikasteret e tyre, ndërkohë që ndryshimet u bënë në ministritë të lidhura me ekonominë.
Ish-ministrat janë transferuar në pozita brenda ministrive, ndërkohë kabineti është freskuar me 15 emra të ri, ndërsa janë themeluar edhe pesë ministri të reja.
Kryesuesi me negociatat e Greqisë me kreditorët ndërkombëtarë, ministri i Financave, Efklidis Cakalotos ka mbajtur postin e ministrit, gjë të cilën e kanë bërë edhe ministri i Jashtëm, Nikos Kotzias dhe ai i Mbrojtjes Panos Kammenos.
Kryeministri Tsipras emëroi Dimitris Liakos, shefin e zyrës së tij ekonomike dhe një ish-menaxher fondi, si ministër përgjegjës për zbatimin e programit të shpëtimit të Greqisë.
Kreu i agjencisë së privatizimit, Stergios Pitsiorlas, u emërua zëvendësministër nën Dimitris Papadimitrou, ekonomist dhe president i Institutit të Ekonomisë Levy, të cilit iu dha posti i ministrit të ekonomisë dhe zhvillimit.
Disa anëtarë të kabinetit u zhvendosën gjithashtu nga postet kryesore, por kanë mbetur në qeveri.
Partia konservatore e opozitës Demokracia e Re e quajti riorganizimin një riciklim të fytyrave të korruptuara. Zëdhënësi George Kumutsakos tha se për Greqinë dhe qytetarët e saj, nuk ka perspektivë nga kjo qeveri e rrezikshme.
Duke folur me gazetarët pas ceremonisë, kryeministri grek Alexis Tsipras sinjalizoi se do të vazhdojë në rrugën fiskale të rënë dakord me Bashkimin Evropian dhe Fondin Monetar Ndërkombëtar.
Tsipras është zgjedhur kryeministër për herë të parë në janar të vitit 2015, duke premtuar t’i jepte fund masave shtrënguese, por e përmbysi kursin e tji 6 muaj më vonë kur nënshkroi për ndihmën e re të shpëtimit, programin e tretë për Greqinë që kur nisi kriza financiare në vitin 2010. Ai u rizgjodh në shtator të vitit të kaluar, por popullariteti i tij ka rënë ndjeshëm me kalimin e muajve, ndërsa partia e tij “Syriza” duket se radhitet pas “Demokracisë së Re” në sondazhet e fundit.
