Ndryshon konventa e KE-së për parandalimin e terrorizmit

Qeveritë europiane ranë dakord të bashkërendojnë ligjet e tyre, sa i takon ndalimit të qytetarëve të udhëtojnë jashtë vendit, për t’iu bashkuar grupit të Shtetit Islamik apo dhe grupeve të tjera ekstremiste.

Shefat e diplomacive të vendeve anëtare të Këshillit të Europës ranë dakord, që një sërë veprimesh, si pjesëmarrja në grupime militante, trajnime terroriste apo udhëtime jashtë kufijve me synim angazhimin në akte terroriste, të shpallen të paligjshme.

Masat e reja iu shtuan Konventës së Këshillit të Europës për parandalimin e terrorizmit. Konventa është nënshkruar tashmë nga 44 prej 47 anëtarëve, përfshirë 28 vendet e Bashkimit Europian, me përjashtim të Republikës Çeke.