Në kërkim Gentian Doci/ Pengmarrja e Jak Prengës. Resorti “Golden”, tashmë skenë krimi

Trupi i Jak Prengës që u mor peng në Kamëz dhe humbi jetën gjatë rrëmbimit nuk është gjetur ende. Resorti Golden, tashmë është kthyer në një skenë krimi. Resorti është vendosur në sekuestro nga policia për sa kohë ka dyshime dhe prova që brenda tij, që administrohej nga A.H ka dalë i pajetë pengu Jak Prenga.

Pikërisht në pjesën e nëndheshme të tij besohet së dhe është mbajtur peng Prenga, ku ka hyrë i gjallë dhe ka dalë i pajetë, gjë që u duk nga pamjet e një kamere sigurie që ishte neglizhuar nga organizatorët, ndërsa të tjerat i asgjësuan.

Ndërkohë që rrethi i të hetuarve është zgjeruar, raporton gazetarja Anila Hoxha.

Më herët  sot në Shkodër janë kontrolluar banesat e atyre që dyshohet se janë organizatorët e rrëmbimit dhe vrasësit e Jak Prengës.

Por më kryesori është Gentian Doci , ku në disa disa përgjime telefonike, edhe nga autoritet britanike është zbuluar një komunikim i tij me të vëllanë e viktimës, N.Prenga.

Ky e fundit e pyet “ku e kam vëllanë”, dhe ai i thotë  “e di shumë mirë ku e ke vëllanë, se më keni prekur mallin”.

E gjithë kjo bisedë erdhi pasi vëllai i Jak Prengës, nuk kishte dorëzuar te organizata sasinë prej 280 kg të kokainës, që arrin vlerën 800 mijë paund.