Në pranga autori i tretë i vrasjes së 2 të moshuarave në Durrës, u kap në Barcelonë

Vihet në pranga autori i tretë i dyshuar i vrasjes së dy të moshuarave në qytetin e Durrësit 1 muaj më parë.

Indrit Shaqja, i cili dyshohet se në bashkëpunim me dy persona të tjerë vranë në mënyrë makabre të moshuarat Elsa dhe Gjenofeva Vava, tashmë në pranga, është arrestuar në Barcelonë nga Interpol Madridi për llogari të drejtësisë shqiptare.

Ngjarja e rëndë ndodhi më 2 shtator në banesën e të moshuarave, të cilat pasi janë torturuar me qëllim që të grabiteshin, më pas janë vrarë në bashkëpunim nga tre persona të cilët tashmë përballen me akuzën e grabitjes me dhunë dhe vrasjes në bashkëpunim.