New York, mbërrin stuhia e madhe, metropoli amerikan ‘ngrin’
Në New York është shpallur gjendja e jashtëzakonshme për stuhinë e dëborës, që mendohet të jetë stuhia e shekullit.
Në 23 qytete, është ndaluar qarkullimi i makinave private, por edhe i mjeteve publike, ‘një gjë e paparë ndonjëherë’ komentojnë mediat amerikane. Në fakt situata në Grande Mela është surreale, me metropolin e kthyer në shkretëtirë.
Të gjitha shkollat janë mbyllur. Aktiviteti është paralizuar edhe në Pallatin e Xhamtë në Kombet e Bashkuara. Tre aeroportet kryesore të New Yorkut janë mbyllur dhe janë anuluar shumë fluturime.
Gjendja e emergjencës është shpallur jo vetëm ne New York, por edhe në New Jersey, në Massachusetts, në Connecticut dhe në të gjithë pjesën veriperëndimore të SHBA.
Kryetari i bashkisë de Blasio ka urdhëruar të gjithë banorët të mos dalin nga shtëpitë.
