Nga 1 janari 2017, shitja e druve të zjarrit ekskluzivitet i Bashkive

Duke filluar nga 1 janari i 2017, shitja e druve të zjarrit do t’u kalojë ekskluzivitet Bashkive të vendit.

Ministri i Mjedisit, Lefter Koka, u është drejtuar me një letër 61 kryebashkiakëve, ku i porosit që furnizimin me dru ta kenë prioritet.

Po kështu ministri Koka nxit drejtuesit vendor të shohin si aset të vyer ekonomik pyjet të cilat i kanë në menaxhim që prej muajit maj të këtij viti.

“Ngritja e ndërmarrjeve publike bashkiake për pyjet duhet të jenë në vëmendjen tuaj”, nënvizon ministri Koka në letrën drejtuar kryebashkiakëve.