Nikolla: Sot fillon aplikimi online në portalin e Maturës Shtetërore 2015

Sot fillon aplikimi online në portalin e Maturës Shtetërore 2015. Lajmërimin për maturantët e ka dhënë vetë ministrja e Arsimit Lindita Nikolla në rrjetet sociale.

“Nga ana jonë janë marrë të gjitha masat që çdo procedurë të jetë në rregull dhe sipas afateve,- shkruan Nikolla. – Në faqen zyrtare të Ministrisë së Arsimit dhe Sportit dhe të Agjencisë Kombëtare të Provimeve do të gjeni çdo informacion që ju nevojitet. Aplikimi për këtë formular zgjat deri në 31 mars, sipas një kalendari të përcaktuar. Ju uroj një ditë të mbarë dhe shumë suksese,” –përfundon ministrja.