Nis procesi në Apel, Shullazi dhe të tijët kërkojnë lirimin

Ka nisur në Gjykatën e Apelit seanca për dhënien e masës së sigurisë për Emiljano Shullazin dhe bashkëpunëtorët e tij.

Avokatët e të pandehurit kërkojnë nga gjyqtarët lirimin e menjëhershëm të tij dhe pretendojnë për ndalim të paligjshëm të klientit të tyre dhe njerëzve të afërt me të.

Gjithashtu, avokatët pretendojnë se prokurorët nuk kanë asnjë provë për akuzat që kanë ngritur, për “gjobëvënie”, “kanosje”, etj.

Nga ana e tij Shullazi ka depozituar një kërkesë ku thotë se nuk dëshiron të vijë të ndjekë seancën për masën e sigurisë në gjykatë.

Në përfundim të masës së sigurisë në apel do të vazhdohet masa ndaj Gilmando Danit dhe Blerim Shullazit.