Një selfie për të blerë online
Mastercard është duke testuar një aplikacion në smartphone ku verifikon blerjet online nëpërmjet njohjes së fytyrës. Përdoruesit në këtë testim bëjnë një foto selfie për të konfirmuar transaksionin.
“Brezi i ri është shumë i lidhur me selfie, dhe mendoj se do të ishte diçka e bukur”, thotë për CNN eksperti i sigurisë i firmës, Ajay Bhalla.
Ndërsa një tjetër ekspert thotë për BBC-në se njohja e fytyrës mund të kompletohet me “mjete shtesë të sigurisë”.
“Google është përpjekur të njohë fytyrat në telefonat Android dhe pati një sërë problemesh që në ditët e para. Njerëzit mund të bënin foton e dikujt e tregonin në kamera, dhe telefoni mund të zhbllokohej”, thotë Ken Munro, studiues i sigurisë në Pen Test Partners.
Google pranon se njohja e fytyrës është “më pak e sigurtë se një PIN apo fjalëkalim” në një faqe interneti.
Aplikacioni i Mastercard i kërkon përdoruesve të injorojnë mundësinë e testimit që ata janë njerëz, por edhe në të shkuarën kjo ka rezultuar një bllof .
“Njerëzit marrin foto, i animojnë ato. Ka pasur zhvillime të mëtejshme biometrike, por ende nuk janë të mjaftueshme”, thotë Munro.
Mastercard është duke eksploruar njohjen e fytyrës si një alternative në SecureCode, programi i saj i sigurisë që i kërkonë blerësve online për një fjalëkalim për të bërë blerje. Kompania thotë se teknologjia është përdorur në miliarda transaksione vitin e kaluar. Në mars, brendi kinez i blerjeve online, Alibaba demostroi një aplikacion të njohjes së fytyrës, por nuk e ka nxjerrë ende në treg.
Programi i Mastercard do të përfshihet në rreth 500 përdorues në SHBA gjatë testimit.
