Një tjetër ligj i reformës në drejtësi ankimohet në Kushtetuese
Në një kohë kur ka nisur zbatimi i Reformës në Drejtësi dhe ngritja e organeve të reja të këtij sistemi, një tjetër ligj i Reformës përfundon në Gjykatë Kushtetuese.
Pas padisë së 1/5 së deputetëve të opozitës Gjykata Kushtetuese ka vendosur të marrë në shqyrtim më dt.28 Mars padinë për shfuziqimin e 11 neneve të ligjit gjit nr.115/2016 “Për organet e qeverisjes së sistemit të drejtësisë”.
Kushtetuesja do të shqyrtojë nëse ligji për organet e qeverisjes së drejtësisë përfshi Këshillin e Lartë Gjyqësorë (KLGJ) dhe atë të Prokurorisë janë apo jo në kundërshtim me kushtetutën. Padinë e ka depozituar Partia Demokratike ndërsa ndër nenet që kundërshtohen është dhe mënyra e përzgjedhjes dhe votimit për anëtarët e KLGJ e KLP.
Pak ditë më parë Kushtetuesja pranoi padinë e Unionit të Gjyqtarëve duke shfuqizuar si antikushtetues nga ligji për statusin e gjyqtarit dhe prokurorit duke kërkuar që ky ligj të bëhet nga e para.
Por cfarë përmbajnë këto nene, referuar përmbajtjes së ligjit këto lidhen me mënyrën e përzgjedhjes së kandidatëve për këshillin e lartë gjyqësorë dhe atë të prokurorisë, me mënyrën e votimit të tyre si dhe me verifikimin e pasurisë.
Një tjetër pikë që kundërshton opozita është dhe mënyra e përzgjedhjes së anëtarëve për KLP e KLGJ nga radhët e Shoqërisë Civile.
Përfshirë dhe padinë e ligjit më të rëndësishëm të reformës sic është Vettingu kjo është hera e 4 kur Kushtetuesja do të investohet për të vlerësuar nëse një ligj i paketës së reformës për drejtësi është apo jo antikushtetues.
