“Nuk ekziston dashuria e përjetshme”
Taylor Swift ka deklaruar se marrëdhëniet e dështuara të së kaluarës e kanë rritur si njeri dhe si artiste. Këngëtarja amerikane, në një intervistë për revistën ‘Lucky’, është shprehur se tashmë e sheh ndryshe dashurinë dhe kjo gjë ka ndikuar te këngët e albumit të ri ‘1989’.
“Në vitin 2006 kisha ide shumë ndryshe për dashurinë nga ato që kam sot. Kur kujtoj eksperiencat e kaluara, habitem me faktin që mendoja me të vërtetë te dashuria e përjetshme”, tha 25-vjeçarja.
“Mendoja se pasi gjeje njeriun e duhur, gjithçka ishte në rregull. Por, sado e lumtur të jesh me dikë, gjithmonë do të ketë vështirësi”, shtoi Swift.
John Mayer, Jake Gyllenhaal, Joe Jonas, Tom Odell dhe Harry Styles kanë qenë disa nga emrat e famshëm me të cilët Taylor Swift ka qenë e lidhur.
