Nuk ka datë për protestë!

Kreu i Lëvizjes Vetëvendosje, Visar Ymeri, ka deklaruar se ende nuk kanë caktuar një datë për një protestë më madhore, mirëpo ka bërë me dije se ky subjekt politik do të vazhdojë më aksione simbolike kundër këtyre marrëveshjeve.

Ymeri ndër të tjera ka thënë se, protestat janë të vendosura se do mbahen po ende nuk ka ndonjë datë.

“Ne jemi të vendosur se ose të tërhiqen marrëveshjet ose të tërhiqet qeveria. Marrëveshjet e tilla nuk mund të jenë edhe Republika edhe Zajednica. Por aksionet simbolike do të vazhdojnë edhe javët e ardhshme”, ka thënë ai, shkruan zeri.info.

Ndryshe, ditë më parë, tri partitë opozitare kanë paralajmëruar për protesta kundër marrëveshjeve të fundit të Qeverisë.