OKB: Numri i refugjatëve sirianë kalon tre milionë
Më shumë se tre milionë Sirianë janë arratisur nga lufta që shkatërron vendin, ku vetëm një milionë refugjatë janë bërë vetëm në vitin 2013, njoftoi sot OKB-ja.
“Kriza e refugjatëve sirianë përkeqësohet. Ajo sot arrin një nivel rekord duke kaluar nivelin e tre milionë persona të shpërngulur”, njoftoi Komisioneri i Lartë i OKB-së për refugjatët (UNHCR) në një komunikatë duke shtuar se këto shifra nuk përfshijnë mijëra sirianët e tjerë që janë larguar nga vendi por nuk janë regjistuar si refugjatë.
Para një viti numri i refugjatëve sirianë të regjistruar arrinte në dy milionë, sipas UNHCR-së që u bazua në raportet që flasin për kushte gjithnjë e më mjerrane brenda vendit për të shpjeguar këtë rritje të jashtëzakonshme.
Konflikti që po bëhet gjithnjë e më shumë kompleks, që po shkatërron Sirinë, ka shkaktuar vdekjen e më shumë se 191 mijë personave që prej fillimit të tij, në mars 2011.
