Papa Françesku dhe Snowden mes emrave me përparësi për Nobelin për Paqe

Sezoni i çmimeve Nobel filloi sot me emrat e amerikanit, Edward Snowden, të papa Françeskut dhe pakistanezes, Malala Yousafzai me përparësi për çmimin e Paqes.

Ashtu si zbuluesit e njohur të së ashtuquajturës ”pjesëza e Zotit”, Peter Higgs dhe François Englert morën çmimin e Fizikës në vitin 2013, spekulimet përqendrohen më shumë këtë vit në çmimin e Paqes dhe të Letërsisë.
Për Paqen, çmimi do të jepet më 10 tetor, kandidaturat në numër rekord, 278, janë pranuar.

Nëse lista e plotë është sekrete, disa emra janë zbuluar nga ata që janë propozuar, si ai i Snowden, ish-këshilltar i Agjencisë të Sigurisë Kombëtare amerikane (NSA), që zbuloi përmasën e mbikëqyrjes elektronike të ndërmarrë nga SHBA-ja.

Kristian Berg Harpviken, drejtor i Institutit të kërkimeve për Paqe në Oslo është një prej ekspertëve të rrallë që rrezikon duke publikuar një listë me emrat favorit, edhe pse nuk ka gjetur kurrë fituesin.

Këtë vit ai vendos Papën në vend të parë