Parisi thyen mijëra zemra, zhvendosen tonelata me dryna nga ‘ura e dashurisë’

Ata ishin kthyer në simbol të dashurisë së përjetshme për çiftet romantike në urën Pont des Arts në Paris.

Por të dashuruarit nuk do të kenë mundësi ta ‘kyçin’ dashurinë e tyre në urën mbi lumin Siene, pasi duke nisur që sot autoritetet lokale e kanë mbyllur urën prej nga po zhvendosin tonelata të tërë me dryna të vendosur nga çifte nga e gjithë bota.

Punonjësit e bashkisë, të pajisur me ‘gërshërë’ të mëdha, kanë nisur të këpusin drynat e dashurisë, pasi pesha e madhe e tyre kishte nisur të vinte në rrezik strukturën e urës së shekullit të 19.