PD: Kemi mbështetje nga PPE-ja për platformën elektorale, po reforma në drejtësi?
Në Luksemburg për 40-vjetorin e PPE-së, me drejtuesit më të lartë të Bashkimit Europian, kryetarë shtetesh dhe qeverish të vendeve anëtare, Partia Demokratike thotë me anë të një njoftimi për shtyp se ka marrë “mbështetje dhe ndihmë konkrete nga krerët e qeverive dhe partive simotra për zbatimin e ligjit të dekriminalizimit, garantimin e zgjedhjeve të lira dhe të ndershme si kushti kryesor i avancimit të Shqipërisë në rrugën e integrimit në Bashkimin Europian”.
“Mbështetje po kështu për programin e Partisë Demokratike dhe realizimin e tij nesër në qeverisjen e vendit. Duke vlerësuar propozimet tona si alternativën e duhur për të nxjerrë vendin nga kriza, krerët e politikës europiane u impenjuan për mbështetje konkrete në zbatimin e tij, duke nisur nga mbështetja për programin e bujqësisë dhe arsimit e deri tek nxitja e investitorëve të huaj për të investuar në Shqipëri, që do të përkthehet në punësim dhe përmirësim të standardit të jetesës për çdo shqiptar.”, shtohet më tej në njoftim.
Sipas PD-së, “punësimi, stabiliteti ekonomik, konkurrenca, siguria dhe zhvillimi janë ato çka e djathta i ka ofruar Europës. Kjo është dhe arsyeja që PPE vazhdon të qëndrojë për 16 vjet me radhë si forca kryesore politike në Europë. Partia Demokratike e Shqipërisë ndan të njëjtat vlera me partitë simotra anëtare të PPE-së dhe lufton çdo ditë që t’u ofrojë të njëjtat standarde edhe qytetarëve shqiptarë”.
Por zoti Basha me homologet e djathte europiane, nuk ka pohuar se kusht per integrimin ne Bashkimin Europian te Shqiperise eshte reforma ne drejtesi, dhe se cfare roli po luan kryetari i PD-se, po e frenon apo po nxit kete reforme, po e mbeshtet Shqiperine drejt integrimit ne BE apo po i ve gure nen rrota procesit?.
