POLONI – Tusk: Përshkallëzim i mundshëm në Iran në ditët dhe javët e ardhshme

Kryeministri i Polonisë, Donald Tusk deklaroi se ”besoj se mund të ketë një përshkallëzim të mëtejshëm të konfliktit në Lindjen e Mesme”.

“Gjatë disa dhjetëra orëve të fundit, kam pasur arsye të besoj – pjesërisht bazuar në informacionin nga aleatët tanë – se stabilizimi në Lindjen e Mesme vështirë se mund të pritet në ditët e ardhshme”, tha Tusk.

Në të vërtetë, ai beson se është e kundërta.

“Ditët dhe javët e ardhshme mund të çojnë në një përshkallëzim të kësaj situate”, tha ai.

Tusk foli në kuadër të një seance parlamentare në të cilën do të votoheshin dy nga projektligjet e qeverisë së tij për të ulur çmimet e karburantit.

Ai e justifikoi domosdoshmërinë e kësaj mase duke cituar vlerësimin e situatës në Lindjen e Mesme.

Deklarata e Tusk është në kundërshtim me sinjalet që kanë ardhur së fundmi nga SHBA-ja.

Presidenti i SHBA-së, Donald Trump, duke iu referuar “bisedimeve shumë të mira”, e kishte shtyrë përsëri ultimatumin e tij për udhëheqjen iraniane që të tërhiqej në luftë.

Ai njoftoi se afati për hapjen e Ngushticës së Hormuzit do të zgjatet me kërkesë të Iranit dhe se nuk do të ketë sulme ndaj termocentraleve iraniane në periudhën deri më 6 prill./ a.jor.