Presidenti i Egjiptit amniston 100 të burgosur

Presidenti egjiptian Adel Fata Al Sisi ka falur 100 të burgosur, përfshirë edhe gazetarin kanadez të Al Xhazirës, Mohamed Fahmy. Faljet vijnë një ditë para se Sisi të fluturojë drejt Nju Jorkut, ku do të marrë pjesë në sesionin e 70 të Asamblesë së Përgjithshme të Kombeve të Bashkuara.

Vetë Fahmy tha se është koha për të festuar pas një vuajtjeje të gjatë. Ky i fundit, bashkë me dy gazetarë të tjerë të Al Xhazirës, u dënuan me tre vite burg në një rigjykim të muajit të kaluar, mbi akuzat për operim pa leje dhe transmetim të materialeve të dëmshme për Egjiptin.

Edhe egjiptiani Baher Mohamed u la i lirë ndërkohë që gazetari tjetër, australiani Peter Greste, ishte dëbuar nga egjipti në shkurt. Akti i faljes u dekretua nga presidenti Al-Sisi në prag të festës myslimane të sakrificës, Kurban Bajramit. të burgosurit e falur me këtë rast janë 356 mes të cilëve, qindra aktivistë.