Prokuroria e Korçës kërkon 2 vjet burg për ish kreun e ISHP Devoll

Prokuroria e Korçës ka kërkuar 2 vjet burg për ish drejtorin e Shëndetit Publik të Devollit, Valent Nallbati dhe 1 vit e 6 muaj burg për inxhinierin Panajot Pilani.

Ata janë akuzuar se kanë kryer procedura fiktive për rikonstruksionin e godinës së institucionit të drejtuar nga Nallbati. Procesi ndaj tyreshtë zhvilluar me gjykim të shkurtuar dhe ata do të përfitojnë uljen me 1/3 e dënimit nëse shpallen fajtorë nga gjykata.

Ish-zyrtari dhe inxhinjeri akuzohen për ‘falsifikim dokumentash” dhe “shpërdorim detyre” pasi, në vitin 2015, kanë realizuar procedurë fiktive për rikonstruksionin e godinës së institucionit, për punime të cilat ishin kryer në vitin 2011. Hetimi ndaj të pandehurve është zhvilluar fillimisht me masën e sigurimit “arrest në burg”, e cila u ndryshua nga Gjykata e Apelit në “detyrim për paraqitje”.