“Provat po shtohen”, Meta i përgjigjet Xhafajt: Skandaloz presioni politik ndaj KED e Vitore Tushës. Ardian Dvorani, ‘Katica’ i Reformës në Drejtësi

Presidenti i Republikës, Ilir Meta ka reaguar ashpër duke dënuar sulmet politike të ish-ministrit të Brendshëm të lëshuara në adresë të anëtares së Gjykatës Kushtetuese , Vitore Tusha. Kreu i Shtetit i është përgjigjur kështu  ish-ministrit të Brendshëm, Fatmir Xhafaj, i cili po gjatë ditës së sotme foli për debatin e krijuar në Kushtetuese. Sipas  Fatmir Xhafajt, anëtarja e Gjykatës Kushtetuese, Vitore Tusha  nuk ka respektuar vendimin e organit ku bën pjesë.

Ai më tej shtoi se e dekretuara e Ilir Metës për anëtare të Gjykatës Kushtetuese, Marsida Xhaferllari nuk plotëson kushtet për të qenë në këtë institucion.

“Në faqen e Web te Gjykates Kushtetuese, znj.Tusha ka botuar listën e anëtarëve të rinj! Pyetja është kë të besojmë, znj.Tusha n/kryetare të KED që ka shpallur znj.Vorpsi fituese apo znj.Tusha gjyqtare që nuk respekton as vendimin e organit që drejton. Në cilin kuorum të GjK u bazua kjo vendimmarrje? Në bindjen time znj.Xhaferllari nuk mund të jetë anëtare e GjK. Nuk plotëson kushtet dhe kriteret për të qenë e tillë”-tha sot ish-ministri Xhafaj.

Kreu i shtetit ka thënë se nesër do të padisë kreun e KED-së, Ardian Dvoranin për shpërdorim detyre, ndërsa e etiketoi atë si “Katcia” i Reformës në Drejtësi. Sipas Metës, kreu i KED-së tentoi të vidhte të gjithë Gjykatën Kushtetuese.

Reagimi i plotë:

“Skandaloz presioni politik ndaj KED dhe anëtares së Gjykatës Kushtetuese, Vitore Tusha! I vetmi përgjegjës për aktet kriminale të militantit Ardian Dvorani është vetëm ai, përndryshe Katica jonë i Reformës në Drejtësi. Nuk ka Rilindje lokale dhe ndërkombëtare që e shpëton atë nga përgjegjësia e rëndë penale. Katica jonë bëri një akt shumë më të rëndë se vendosja e gjobës së një biznesmeni. Katica jonë donte të vidhte gjithë Gjykatën Kushtetuese të Shqipërisë. Provat po shtohen. Garantet e krimit kushtetues po dalin vetë.