Qasja në dokumentet publike, sfidë për mediat në Kosovë

Misioni i Organizatës për Siguri dhe Bashkëpunim në Evropë (OSBE) në Kosovë organizoi një tryezë të rrumbullakët për implementimin e legjislacionit të aplikueshëm për media në Kosovë.

Qëllimi i kësaj tryeze është shqyrtimi i gjendjes aktuale të implementimit të legjislacionit të aplikueshëm më media, ndikimin e tij në media, gazetarë dhe në shoqëri.

Dane Koruga, shef i Seksionit për Media OSBE, tha se problematike është qasja në dokumente publike.

Ndërsa, Xhevahire Izmaku, kryesuesja e Komisionit për Shërbime Publike, Administratë Lokale dhe Media të Kuvendit të Kosovës, tha se një nga problemet është ligji për qasje në dokumente publike.

Izmaku po ashtu theksoi edhe problemin e mediave online ku tha se nuk janë të rregulluara, nuk kanë një adresë dhe nuk dihet se ku veprojnë.

Ndërsa, Shqipe Pantina, anëtare e Komisionit për Shërbime Publike, Administratë Lokale dhe Media të Kuvendit të Kosovës, tha se nuk preferon që çdo gjë të rregullohet me ligje, por preferon që mediat t’i rregullojnë çështjet që kanë të bëjnë me punën e tyre.

Kurse, kryetari i Asociacionit të Gazetarëve të Kosovës, Shkëlqim Hysenaj tha se sfidë mbetet respektimi i ligjit për qasje në dokumente zyrtare dhe se gazetarët ende kanë telashe që të kenë qasje në këto dokumente.