Rama: Këtë vit mbyllim privatizimin e Albpetrol. Procesi transparent, gara e hapur

Kryeministri Edi Rama garantoi se viti 2015 do të jetë viti kur do të mbyllet procesi i privatizimit të shoqërisë Albpetrol. Kreu i qeverisë e bëri deklaratën në Samitin me temën “Albania Oils& Energy 2015’ ku ishin të ftuar investitorë të huaj.

Rama garantoi gjithashtu se procesi për privatizim do të jetë transparent ndaj fto në garë gjithë të interesuarit.

“Ky do jetë viti i përfundimit të një procesi të stërgjatur privatizimi të shoqërisë Albpetrol për të cilën po përgatiten procedurat e dokumentave, por ky privatizim do jetë rezultat i një ndryshimi radikal në qasjen e kësaj shoqërie, shteti do të marrë të gjitha të drejtat që gëzon Albpetrol si një inerci shumë e largët dhe ndërkohë Albeptrol do të ndahet nga blloqet e mira të naftës që do të vihen në dispozicion të investitorëve”.

“Por padyshim që sidoqoftë mbetet një aset i vlefshëm dhe ne do sigurojmë që gjithë aktorët që tregojnë interes se do kenë një proces transparent dhe një garë ku do jenë të ftuar të gjithë të interesuarit”.

Rama e cilësoi Albpetrol si një hibrid që nuk mund t’i rezistojmë dot më kohës.

“Për ne qysh ditën e parë ka qenë e qartë se Albetrol është i një kohe të shkuar dhe një lloj hibridi që nuk i reziston dot kohës që vjen.”

Energjia

Kryeministri, Edi Rama tha se energjia është një sektor që qeveria e sheh si një nga burimet më të rëndësishme të rritjes “sonë ekonomike, ku kemi gjetur problematikën më të ndërlikuar, e nevojën emergjente për një ndërhyrje”.

Duke folur në punimet e samitit “Albania Oil, Gas e Energy 2015”, Rama deklaroi se rajoni ynë duhet të ketë ndërlidhje energjetike.

Rama tha se Ballkani ka rol vendimtar në diversifikimin e energjisë.

“Duhet te jetesojme reforma rrenjesore, investime te konsiderueshme dhe bashkepunimim dhe harmonizim te sektoreve”, tha Rama.

Kryeministri bëri apel për kompanitë serioze të vijnë dhe të investojnë në kërkimet e reja dhe në oportunitetet që Shqipëria ofron në sektorin energjetik.

Për “Albpetrol”, kryeministri tha se po përgatiten dokumentat e privatizimit të kompanisë, këtë vit. “Ky privatizim rezultat i një ndryshimi radikal në qasjen e kësaj shoqërie…Do të ndahet nga blloqet e lira të naftës që do vihen në dispozicion të investitorëve…Hibrid që s’mund t’i regjistrojë sfidës të kohës që vjen…Mbetet aset i vlefshëm…proces transparent, garë e hapur dhe konkuruese ku do të ftohen të gjithë të interesuarit”, deklaroi Rama.

Sipas Ramës TAP është një mundësi unike për Shqipërinë. “Përkon me hapjen e një kapitulli krejt të ri për sektorin energjitik në vendin tonë dhe rajon…”, tha Rama, duke thënë se po zhvillohen programe për diversifikimin e burimeve energjetike në Shqipëri.

Rama tha se janë 150 mln USD që Banka Botërore ka dhënë për sektorin e shpërndarjes së energjisë elektrike në vend.