Rama: Kreditë e këqija, jo problem në sektorin e bujqësisë

Kryeministri i vendit Edi rama, në një takim me investitorët në zonën e Rinasit, ka deklaruar se sektori i bujqësisë ka pësuar një rritje të qëndrueshme.

“Duhet të investohet më shumë në bujqësi, ku duhet të mbështetet një nga sektorët më të rëndësishëm në vendin tonë, – tha Rama. – Bujqësia ka pasur një rritje të qëndrueshme ekonomike”.

Rama ka nënvizuar se “kreditë e këqija në vend janë një problem. Kreditë shkuan në nivelin 28%, ç’ka është një kërcënim real. Por ne kemi punuar me BSH-në dhe kemi sjellë një ulje me rreth 20%. Një pjesë e kredive të këqija, nuk figurojnë në kreditë e dhëna për fshatin. Bankat nuk kanë pasur asnjëherë probleme për kreditë që kanë dhënë për fshatin. Qeveria kërkon të rrisë nivelin e kreditimit të bujqësisë. Kemi administruar buxhetet në funksion të bujqësisë. Duhet të sjellim forcimin e ndërmarrjeve që kanë nevojë financiare për të plotësuar të gjitha hallkat e një cikli që nis te fermeri dhe përfundon në shitje”, – shtoi Rama mes të tjerash.