Rama-opozitës: Jeni të papërgjegjshëm, nuk keni asnjë ndjenjë përgjegjësia
Kryeministri Rama mori fjalën në seancën e sotme të Kuvendit pas deputetit Spaho të Partisë Demokratike, duke e akuzuar opozitën për papërgjegjshmëri.
Ai reagoi ndaj deputetit Spaho, i cili pak më herët tha se babëzia qeveritare ka realizuar 100% programin e koncesioneve në shëndetësi. Rama tha se e gjitha është bërë për të garantuar kontrollin bazë mjekësor.
“Babëzia qeveritare ka realizuar 100% programin për koncesionet në qeveri”, nuk është kjo, por ndjenja e përgjegjësisë për t’i shërbyer qytetarëve për të garantuar kontrollin bazë mjekësor. Deri dje duhet të paguanin nga xhemi, ndërsa sot e bëjnë atë falas. Nëse do të kishit minimumin e përgjegjësisë, duhet të merrnit pjesë në rritjen e përgjegjësimit në rritjen e këtij shërbimi. Së dyti, babëzia, siç ju e thoni, ka garantuar shërbimin falas të të gjithë atyre që kanë nevojë për hemodializë, të cilët deri para vënies në funksion duhet të bënin udhëtime për në Tiranë me shpenzime të madha dhe stres e lodhje për një të sëmurë”, tha Rama.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.