Reforma e pensioneve- Veliaj: Barazi mes zonave rurale dhe atyre urbane

Ministri i Mirëqenies Sociale dhe Rinisë, Erion Veliaj mori pjesë sot në takimin e organizuara në Lundër, me drejtuesit rajonal të ISSH-s, oganizuar nga Drejtore e Përgjithshme e Instituti Sigurimeve Shoqerore, ku në fokus ishte reforma e pensioneve për zonat rurale.

Drejtoresha e Përgjithshme e ISSH-së, Vjollca Braho tërhoqi vëmendjen për të treguar kujdes në realizimin e të ardhurave dhe kujdes maksimal nga inspektorët dhe degët kontribuese në zonat rajonale.

“Një punë e madhe duhet bërë përsa i përket reformës së pensioneve në çdo drejtori rajonale për sqarimin e çdo fermeri duke bërë të mundur shpjegimin për reformën e pensioneve dhe mbledhja e të ardhurave për vitin 2014. Por dhe shtimin e numrit të kontribuesve të sigurimeve shoqërore, pasi kjo skemë ishte difiçitare, prandaj ishte e nevojshme marja e reformës së pensioneve në përmirësimin e kësaj skeme e cila është miratura nga qeveria shqiptare dhe ju duhet të ndihmoni në rritjen e kontribuesve dhe futjen ne skemen e re”, tha Braho.

Ndërsa, ministri Veliaj  deklaroi se “që nga 1 janari 2015, fillon proçesi i afrimit të skemës së pensioneve të zonave rurale me atë të qytetit. Ka shumë gjëra që duhet të ndodhin në këto 100 ditë, pasi ora e re për pensionet për vitin e ri 2015 ka nisur”.

“Kjo është reforma më e madhe që nga viti 1993. Një ndryshim që në 20 vitet e fundit nuk ka ndodhur. Kohën e kemi të kufizuar deri sa skema e fshatit të pajtohet me të qytetit. Na ngelen edhe 4 vjet që skemat të barazohen. Nuk mund ta shtyjmë më shumë se viti 2018. Që nga data një janar do fillojë afrimi i skemave”, pohoi Veliaj

“Lajmi i mirë eshtë se për herë të parë ata që banojnë në zonat rurale do të kenë të njejta avantazhe si zonat urbane. Është e vertet se do të ndryshojë mënyra e skemës së kontributeve por do të vihet barazia mes zonave rurale dhe atyre urbane përsa i përket pensioneve”, tha Veliaj.