Ristani: Përgjegjësia për kërcënimet e Shullazit ndaj kryetarit të opozitës është e kryeministrit

Partia Demokratike denoncoi kryeministrin Rama se ofroi lehtësirat për Emiliano Shullazin në lidhje me ngjarjen e fundit kriminale dhe bën të vetmin përgjegjës për kërcenimin e kryetarit të opozitës nga Shullazi, vetë kryeministrin e vendit.

Sekretari i Përgjithshëm i PD-së, Arben Ristani, doli sot në një deklaratë për shtyp për të ripërsëritur akuzat e PD-së ndaj kryeministrit, duke u shprehur se “Kreu i bandës kriminale përfitoi nga favoret e krijuara nga kryeministri dhe pas përplasjes së përgjakshme me të vrarë e të plagosur, ai bridhte i lirë nëpër baret e Tiranës”.

“Partia Demokratike publikisht paralajmëron se Rama do të mbajë përgjegjësi për kërcënimet që ky bandit i bën opozitës dhe kryetarit të saj”, pohoi Ristani.