Rohani: Irani bazë stabiliteti në Lindjen e Mesme

Presidenti iranian, Hassan Rohani konfirmoi sot se vendi i tij përfaqësonte “bazën e stabilitetit” në Lindjen e Mesme edhe pse i lidhi trazirat aktuale të rajonit me një komplot të fuqive të mëdha.
“Irani është baza e stabilitetit në këtë rajon të ndjeshëm të Lindjes së Mesme që është dominuar sot nga trazirat, pasiguritë, masakrat dhe frika”, konfirmoi Rohani gjatë një fjalimi me rastin e 34-vjetorit të fillimit të luftës Iran-Irak.
“Popujt e rajonit rezistojnë dhe do të rezistojnë përballë terroristëve”, shtoi ai, para nisjes në Nju Jork, ku do të mbajë të enjten edhe një fjalim në Asamblenë e Përgjithshme të OKB-së.
Shefat e diplomacisë amerikane dhe iraniane, John Kerry dhe Mohammad Javad Zarif diskutuan dje në Nju Jork për ”kërcënimin” që paraqesin xhihadistët e organizatës së Shtetit Islamik.
Irani ka dhënë ndihmën e tij për qeverinë siriane, atë irakiane dhe për kurdët irakianë për të luftuar grupin xhihadist, por ka refuzuar zyrtarisht të bëhet pjesë e koalicionit ndërkombëtar të kryesuar nga SHBA-ja