Rrëmbimi dhe vrasja e Jak Prengës, lihen në burg 5 arrestuarit/ Avokati i Elton Hajrit: Ai ka 3 vite që nuk shkel në resort

Trupi gjykues ka dhënë masën arrest me burg për 5 të arrestuarit për rrëmbimin dhe vrasjen e 49-vjeçarit Jak Prenga.

Për të arrestuarin e 5 Festim Bexhdillin, rëndon dhe akuza e fshehjes dhe asgjësimin e kufomës, ndërsa për Gentian Doci i cili është në kërkim do kërkohet po ashtu arrest me burg.

Avokati Sokol Tahiri tha për klientin e tij Elton Hajrin se organi i Akuzës nuk arriti të paraqiste prova për të vetëteuar akuzën se ai ka fshehur viktimën.

“Akuza nuk kishte prova, as filmike madje që ta provojë, vetëm mjeti e fajëson atë, por Elton Hajri ka tre vite që nuk futet aty në resort”, tha avokati.

Jak Prenga u mor peng për shkak të një ngarkese të konsiderueshme kokaine që vëllai i tij kishte mbajtur të fshehtë dhe nuk e kishte dorëzuar në destinacionin ku i kishte caktuar banda ku bënte pjesë.