Rritet mbulimi me shërbime interneti edhe në zonat me densitet të ulët të popullsisë

Autoriteti i Komunkimeve Elektronike dhe Postare ka miratuar vendimin që i parashtron operatorëve celularë në Shqipëri të çojnë internet me brez të gjerë edhe në zonat me densitet të ulët të popullsisë.

Sipas njoftimit në faqen e AKEP, vendimi bazohet në një vendim të Këshillit të Ministrave të Prillit të këtij viti, për disa ndryshime në Planin Kombëtar të Zhvillimit të Broadband. Vendimi në fjalë përcakton se mbajtësit e autorizimeve të frekuencave të brezit 900, 1800 dhe 2100 MHz, sipas një akti të nxjerrë nga AKEP-i, duhet të rritin mbulimin me shërbime broadband në zonat me densitet të ulët të popullsisë si dhe të përmirësojnë cilësinë e shërbimit të ofruar.

AKEP pas konsultimeve, me aktoret e tregut, (operatoret celularë) ka nënshkruar një marrëveshje për kushtet e bashkëpunimit dhe ndarjen e investimeve në funksionit të përmbushejs së detyrimit të vendosur nga AKEP.