Turqia arreston të kërkuarin e Interpolit për trafikim organesh të refugjatëve

Autoritetet në Turqi kanë arrestuar një person të kërkuar nga Interpoli, i dyshuar për trafikimi me organe.

Boris Walker, dyshohet se ishte një prej asistentëve të doktorit famëkeq Yousuf Sonmez, i cili ishte dënuar në mungesë në Kosovë, përcjell KTV.

Dyshimet e autoriteteve janë se Walker, me shtetësi izraelite, ishte në Turqi duke kryer veprimtarinë e njëjtë, atë të trafikimit të organeve por që këtë herë caku i trafikuesve dyshohet të kenë qenë refugjatët nga shtetet e lindjes, kryesisht ata nga Siria.

Mediet në Turqi raportojnë se ai është kthyer nga Bangkoku, derisa pas arrestimit në aeroportin “Ataturk”, gjykata i ka caktuar masën prej 40 ditësh paraburgim ndërkohë që pritet të fillojnë procedurat për ekstradimin e tij në Izrael.